സ്വപ്നങ്ങളുരുക്കിയാണ്
സ്വാതന്ത്രത്തിന്റെ മാലകോര്ത്തത്.
സ്വപ്നങ്ങളുരുകിയാണ്
പാരതന്ത്ര്യത്തിന്റെ ചങ്ങലതീര്ത്തത്.
മാലക്കും ചങ്ങലക്കുമിടയില്
ഇന്ന് അതിര്വരമ്പുകളൊന്നുമില്ല.
വെളുത്തവന്റെ സപ്രമഞ്ചത്തില്
കറുത്തവന് ഇരുന്നെന്ന് കരുതി
ഗംഗയില് തേനൊഴുകുമോ ?
ഒബാമരാജ്യം തുടര്ന്നാലും
രാമരാജ്യം വന്നാലും
പുണ്യനദിയിലൊഴുകുന്ന
ദരിദ്രശവങ്ങള്
ദാഹമകറ്റാന്
കുപ്പിവെള്ളം കുടിക്കേണ്ടിവരും.
എന്തായാലും
മൂന്നാമത്തെ സ്വാതന്ത്ര്യസമരവും,
മൂന്നാമത്തെ ലോകയുദ്ധവും,
ജീവജലത്തിനുവേണ്ടിയാകുമല്ലോ.
--------------------------------------------------------------------------------------------
(ഒരു മാസം മുന്പ് ഡല്ഹിയില് ഓട്ടോറിക്ഷയില് യാത്ര ചെയ്യവേ, ട്രാഫിക് സിഗ്നലിനടുത്ത് വെച്ച് സുഹൃത്തിന്റെ കയ്യിലെ കുപ്പിവെള്ളത്തിന് വേണ്ടി യാചിച്ച പെണ്കുട്ടിക്കും കഴിഞ്ഞദിവസം ഐഎന്എ മാര്ക്കറ്റിനു സമീപം പെപ്സി കുടിച്ചുകൊണ്ടിരുന്ന
ഒരാളുടെ നേരെ യാചിച്ച പിഞ്ചു ആണ്കുട്ടിക്കും വേണ്ടി സമര്പ്പിക്കുന്നു.)
No comments:
Post a Comment