.JPG)
പൊന്ചിങ്ങമേ,
കൂട്ടിന് ഞാനില്ല; കരയരുത്..
ഓണപൂക്കളേ,
പൂന്നുള്ളാന് ഞാനില്ല; ചിരിക്കാതിരിക്കരുത്.
പൂന്നെല്ലിന്കതിരുകളേ,
കൊയ്യുവാന് ഞാനില്ല; വാടിത്തളരരുത്.
പച്ചംപനംതത്തേ,
കൂടെവരാന് ഞാനില്ല; പാടാതിരിക്കരുത്.
തോട്ടിലെ പരല്മീനുകളേ,
ചൂണ്ടയിടാന് ഞാനില്ല; കൊത്താതിരിക്കരുത്.
പാതിപകുത്ത ജാലകമേ,
അഴിപിടിക്കാന് ഞാനില്ല; കണ്ണീരുപ്പുരസം മറക്കരുത്.
ചാലിയാറിലെ ഓളങ്ങളേ,
ഒരുമിച്ചൊഴുകാന് ഞാനില്ല; പ്രണയിക്കാതിരിക്കരുത്...
No comments:
Post a Comment