കണ്ണാന്തളി

മഞ്ഞനിറമുള്ള പരാഗരേണുക്കളും
തൂവെള്ളയും വൈലറ്റുനിറമുള്ളൊരിതളാര്‍ന്ന
പൂക്കളെയാദ്യമായ് കുന്നില്‍ചെരിവില്‍
കണ്ടതോര്‍ത്തിന്നുഞാന്‍ വെറുതെ.

പൂവിറുത്ത് വാല്‍പ്പുല്ലും തെച്ചിപ്പൂക്കളും
കാട്ടുവള്ളിയില്‍ കെട്ടിയൊതുക്കി,
കുന്നിറങ്ങി കാത്തിരുന്നിട്ടും
കൊച്ചനുജത്തിയാം സോനുവിനെ കണ്ടില്ല.

കുഞ്ഞുകൈകളില്‍ നല്‍കുവാന്‍
കാത്തുവച്ചൊരാ കാട്ടുപ്പൂച്ചെണ്ട്
ടെലഫോണ്‍ കാലില്‍ കൊരുത്തുവെച്ചനാള്‍.

അന്നൊരാവൃശ്ചികരാത്രിയില്‍ വിദ്യുത്‌വെളിച്ചത്തില്‍
റേഡിയോയും തുറന്നുവെച്ച് നോവുകള്‍ കുത്തിക്കുറിച്ചപ്പോള്‍
ആ പൂച്ചെണ്ട് ... മഞ്ഞുതുള്ളികളോട് കലഹിച്ചിട്ടുണ്ടാകണം.